கதை எழுதலாம் னு இருக்கேன்.

ஒரு நாள் கம்பெனி மீட்டிங் ல இருக்கறப்போ திடீர் னு 4 பேர் துப்பாக்கி ஓட உள்ள வந்துட்டாங்க. வந்தவங்க சுட ஆரம்பிக்கறதுக்கு முன்னாடி, நான் சுதாறிச்சுட்டேன். உக்காந்திருந்த சேர(chair) தள்ளி விட்டுட்டு, ஒரு கைய மேஜை மேல ஊனி(உனி னு கிது படிச்சிடாதீங்க. அது நாயி மேல இருக்கறது.), அப்படியே 2 காலையும் தூக்கி, விட்டே ஒருத்தனோட நெஞ்சு மேல ஒரு ஒதை. அவன் துப்பாக்கி விழ, கூடவே அவனும் மீதி 3 பேரு மேல விழ,எல்லாரும் துப்பாக்கிய போட்டுட்டு அவனுங்களும் கீழ விழ. என்னடா, ஒரு ஒதை ல எல்லாம் விழுந்தாங்களா? னு கேட்கறது புரியுது. அப்படி ஒரு டெக்னிக், என்னோட ஒதைல.

அப்படியே பக்கத்துல இருந்த படில ஏறி மொட்ட மாடிக்கு வந்துட்டேன். நம்ம ஒதைய நெஞ்சுல வாங்குனவன் மட்டும் மயக்கம் போட, மீதி இருக்கறவனுங்க எல்லாம் என்னைய தொரத்த ஆரம்பிச்சுட்டானுங்க. அப்படியே மாடிக்கு மாடி தாண்டி ஓடுனேன். அவனுங்களும் பின்னாடியே தாண்டி வரானுங்க. இப்படி தல தெறிக்க தாண்டும் போது, 2 வயர்(wire) மாட்டி, கீழ எல்லாம் விழ பாத்தேன்.  அப்படியே சுதாரிசுட்டு, "ஏறி வந்தேன் படி.முடுஞ்சா என்ன புடி.  நாலும் நாலும் எட்டு. நடு மண்டையிலேயே ஒரு கொட்டு." னு சம்மந்தம் இல்லாம பஞ்ச் டயலாக் எல்லாம் யோசிச்சு கிட்டே ஓடுனேன். திடீர் னு, இப்போ நான் இருக்கற பில்டிங் க்கும் அடுத்த பில்டிங் க்கும் அர கிலோமீட்டர். அவ்ளோ தூரம் தாண்டற அளவுக்கு நான் இன்னும் ட்ரைனிங் வேற ஆகலையே. சரி வந்த வழியே திரும்ப ஓடலாம் னா, எல்லாம் பின்னாடி வந்துட்டானுங்க. அவனுங்க எல்லாம், ஆடு சிக்கிடுச்சு. இனி அமுக்கி போட்டு அறுக்க வேண்டியது தான் னு சிரிக்குரானுங்க.

இப்படி மாட்டிகிட்டோமே. என்னடா பண்ணலாம் னு மேல பாத்தேன்.ரொம்ப உயரத்துல ஒரு கழுகு பறக்குது(அர கிலோமீட்டர் பறக்கற ஐடியா எல்லாம் இல்லீங்க. பயப்பட வேண்டாம்.). அந்த கழுக பாத்தேன். அந்த கழுகும் என்ன பாக்குது. இப்போ அந்த அடுத்த பில்டிங்க பாக்குறேன், மேல கழுக பாக்குறேன், திரும்பி அவனுங்களையும் பாக்குறேன். கழுக பாக்குறேன், அவனுங்கள பாக்குறேன், அடுத்த பில்டிங்க பாக்குறேன். அப்படியே மெதுவா கைய மடக்கி ஆர்ம்ஸ் காட்டிட்டே அவனுங்க பக்கம் நடந்து வந்தேன். இப்போ வேகமா திரும்பி ஓடவும், அந்த கழுகு கீழ பறந்து வரவும் கரெக்ட்டா இருந்துச்சு. அப்படியே அதோட கால புடுச்சு தொங்கிகிட்டே, அடுத்த பில்டிங் போயிட்டேன். என்னைய இறக்கி விட்டுட்டு, இனி கவல படாம போ நண்பா னு, அதோட கரகர குரல் ல தமிழ் ல சொல்லிட்டு போய்டுச்சு. அடுத்து அவங்கள பாத்து, யோசிச்சு வெச்ச, பஞ்ச் டயலாக் சொல்லலாம் னு இருக்கறப்போ,

"சக்தி உங்களோட ஒபினியன் என்ன" னு  ஒரு குரல். திடீர் னு சுய நினைவுக்கு வந்து, அச்சோ எத பத்தி பேசுறாங்க னு தெரியலையே னு  நினைச்சுகிட்டு "நீங்க சொல்றது கரெக்ட் சார்" னு நிலமைய சமாளிச்சேன். ஸ்டார்டிங் ல சொன்னனே ஒரு மீட்டிங். அதுல உக்காந்துட்டு தாங்க இப்படி ஒரு கதை.